угIайшан Анчва
Абазашта уапа хIвыцта
Урылан хIуагIахъа
СквшквакI рапхъла ухъынхIвыхта
уашва зны йанызгIа
Сгвы акъвапс уакIын багъьата
Йуыладухун схъа
Сайгвгъун са заманкI ахъыцIта
АллахI йанихIвара
абазашта амакъымква уыргарныс хъара
АпхьынцIыг1ва апш сгIащтIнахуан
уашва ангара
уара хIвыцчкIвын уыхъаз схIвахIвуан:
ЙалахIатI уынцIра
Са йсхIвауа АллахI йхIвузма
СхIвахIврагьи гьйымгIатI
ЙгIаквсын уара хIвыц упысчкIвын уыйачIва ташватI
Адуней ду йалдзгIатI бжьыкIла
Йгвъаджьид сгвы йбылуа
Сйанкъвакъвуашма Анчва йдуу
Санкъвакъвуашма са апсра
СазцIгIарын сызцIгIуш дыздырта
дсаузаркIвын заджвы
ЙзгIадзайа апсра хьшвашва
уара хIвыц упны
Сакъыль ажвжвит1 са сазц1г1ара
Анц1рала йызмам джьауап
Упсг1а майрата упсг1а х1аг1ата
Агвашвква узыртт1 джьанат
Заслуженная артистка Карачаево-Черкесской республики Аминат Напшева.
ХIгвы цIолата йыцIалуа хIрацджьабитI, ралдзгIара рыцнагIдасит1 АшкацауаргIа рткъвым. Аткъвым йахъазымкIва абаза угIахъа шабгу дхIыгхат1 ашвахIвагIв шIа Ашкацауа Мурат. Абаза чкIвыныргIа радгылара "Шарпны".
